Cederna Garalur Elkartea Andaluziako Adelquivir tokiko ekintza-taldearekin senidetu da

Publicado el 3 mayo, 2011 por cederna

Sevillako Los Palaciosen, apirilaren 29an (ostirala), antolatu zen Nekazaritzako eta Abeltzaintzako XVII. Azokan Cederna Garalur Elkarteak eta Adelquivir Elkarteak bi taldeen arteko senidetze-ekitaldian egin zuten, biek elkarrekin lantzen dituzten lankidetza-proiektuen barnean sortutako harremanaren ondorioz.

Senidetze-ekitaldian Cederna Garalur Elkartearen presidente Luis Garatek eta Adelquivir Elkartearen presidente Antonio Maestrek hartu zuten parte. Horiekin batera ziren: Esther Celaya, Cederna Garalur Elkartearen zuzendari-gerentea, eta Jose Antonio Navarro, Adelquivirreko gerentea. Senidetze-ekitaldia azoka inauguratzearekin batera egin zen. (Info Gehihago)

Publicado en Landa Garapena | Comentarios desactivados

Irañetako Udaletxea inauguratu dute

Publicado el 29 marzo, 2011 por cederna

Martxoaren 28an (astelehena), inauguratu dute Irañetako Udaletxe berria. Eraikinean erabilera anitzeko gela bat prestatu dute, herritarrekin hainbat ekintza lantze aldera. Aipatu gelak ‘Nafarroako Mendialdea’ LGP programaren finantziazioa jaso du.

Inaugurazioan izan ziren Luis Garate, Cederna Garalur Elkartearen presidentea, Esther Celaya, elkartearen zuzendari-gerentea, Pedro Pegenaute, Nafarroako Gobernuko Toki Administrazioen zuzendari nagusia, eta Cristina Irigarai eta Asier Lakuntza, Irañetako alkatea eta zinegotzia, hurrenez hurren, eta proiektuaz arduratu diren arkitektoak. (Info Gehiago)

Publicado en Landa Garapena | Comentarios desactivados

Baztan-Bidasoan mendekotasuna duten pertsonei zuzendutako arreta-zerbitzuen inguruko III. Enplegu Tailerrari amaiera eman zaio

Publicado el 18 marzo, 2011 por cederna

15 lagunek hartu dute parte prestakuntza teoriko-praktikoan, lan-merkatuan gaitasun handiagoz txertatzea ahalbidetuko dien arloan. Denetara 900 prestakuntza-ordu, 6 hiletan banatuta.

Tailerra finantzatzeko, Nafarroako Enplegu Zerbitzuak 157.655,70 € paratu ditu, eta ekimenean parte hartu duten Berako, Lesakako, Etxalarko, Doneztebeko eta Baztango udalek 18.000 € (3.600 udal bakoitzak).

Enplegu-tailerra Cederna Garalur Elkarteak kudeatu du.

Martxoaren 18an (ostirala) eman zaio amaiera mendekotasuna duten pertsonei laguntzeko III. Enplegu Tailerrari. 2010ean hasi zen eta martxo honetan bertan bukatu da. Tailerra Donezteben eman da, zonaldeko beste toki-entitateen laguntzarekin: Baztan, Bera, Lesaka eta Etxalar.
Amaiera-ekitaldian izan dira Luis Garate Jimenez (Cederna Garalur Elkartearen presidentea), Miguel San Miguel (Doneztebeko alkatea), Jose Luis Ruiz Ciruelos (Nafarroako Enplegu Zerbitzuaren zuzendari-gerentea), eta Edurne Garro (tailerraren zuzendaria).

Horiez gain, ikasleekin batera izan ziren tailerra finantzatu duten gainerako udaletako (Bera, Baztan eta Lesaka) alkateak eta ordezkariak; Esther Celaya (Cederna Garalur Elkartearen zuzendari-gerentea), tailerreko irakasleak, eta zonaldean mendekotasuna duten pertsonak jasotzen dituzten egoitza eta zentroetako ordezkariak. (Info Gehiago)

Publicado en Lankidetza | Comentarios desactivados

Esnearen interpretazio-zentroa ireki dute Arakilen

Publicado el 3 marzo, 2011 por cederna

Pasa den otsailaren 28an (astelehena), Etxeberri (Lacturale taldeko kidea) ganadutegiko esnearen interpretazio-zentroaren instalazio berriak inauguratu zituzten. Ekitaldiaren buru Nafarroako Gobernuaren presidentea, Miguel Sanz, izan zen. Ekitaldian Luis Garate eta Esther Celaya, Cederna Garalur Elkartearen presidentea eta zuzendari-gerentea egon ziren. Elkarteak esnearen interpretazio-zentroaren finantziazioan lagundu du, Nafarroako Mendialdea LGP programaren bitartez.(Info Gehihago)

Publicado en Landa Garapena | Comentarios desactivados

“Europa erromanikoa” izeneko proiektua FITURen aurkeztu dute

Publicado el 25 enero, 2011 por cederna

Hitzordua larunbat goizean izan zen Ingurumen, Landa eta Itsas ministerioak FITURen jarrita zuen standean. ‘Europa erromanikoa’ proiektua Leadercal Montaña Palentina Elkartearen gerente eta proiektu honen koordinatzaile Jose Manuel Merino Gutierrezek aurkeztu zuen. Cederna Garalur Elkartea aipatu proiektuaren partaide da.

Proiektuaren helburuak eman ziren ezagutzera, baita garatzen ari diren ekintzak eta proiektuan parte hartzen duten taldeak eta lurraldeak ere. “Europa erromanikoa” lankidetza-proiektua da, Ingurumen, Landa eta Itsas Ministerioak finantzatua. Proiektuaren barnean turismoarekin lotura duten proiektu guztiak aurkeztu zituzten, ‘aldaketa baten erronka turismo-ereduan’ goiburu hartuta. ‘Europa erromanikoa’ aldaketa horretarantz doan proiektu horietako bat da. (info gehiago)

Publicado en Elkartea, Landa Garapena | Comentarios desactivados

‘Hurbildu IKTetara’ programarekin 33 ikastaro eta 26 tailer antolatu dira Nafarroako Mendialdean

Publicado el 3 enero, 2011 por cederna

Cederna Garalur Elkarteak, azken urteotan ohi duenez, Nafarroako Gobernuarekin dihardu elkarlanean “Hurbildu IKTetara” programa garatzen. Jarduera esparrua Nafarroako Mendialdea izan da, eta aurten prestakuntza ikastaro, hitzaldi eta prestakuntza berrietara zabaldu da.

Denetara informatikaren hastapena lantzeko 33 ikastaro eman dira, eta 26 tailer, hainbat gaitan espezializatuak; horiek guztiak Cederna Garalur Elkartearen lan eremuko udalerrietan bizi diren adineko pertsonei eta emakumeei zuzenduta. (Info Gehiago)

Publicado en Elkartea, Landa Garapena, Teknologia Berriak | Comentarios desactivados

LEADER sariak banatu dira, Espainiako Landa Garapeneko Sarearen XV. urteurrenean

Publicado el 21 diciembre, 2010 por cederna

LEADER sariak Espainiako Landa Garapeneko Sarearen (ELGS) XV. urteurrena dela-eta eman dira. Erakunde horrek Espainiako tokiko ekintza talde gehienak biltzen ditu bere baitan, horien artean Cederna Garalur Elkartea. Sariak banatzeko ekitaldia abenduaren 14an egin zen Madrilgo Arte Ederretako Bilgunean.

Sari horiek profesionalek eta entitateek, zeinek bere arloan, landa eremu biziaren ikuspegia zabaltzen eta balio positiboak bultzatzen egindako lana aitortu dute; izan ere, landa eremuetako herrien bizi kalitatea hobetzen laguntzen duten dinamikak garatu dituzte. (Info Gehiago)

Publicado en Elkartea, Landa Garapena, Teknologia Berriak | Comentarios desactivados

Cederna Garalur Elkarteak Nafarroako Mendialdean garapenerako laguntzak kudeatzeko Landa Garapenarekin sinatutako hitzarmena berritu du

Publicado el 18 noviembre, 2010 por cederna

Argazkiaren iturburua: Nafarroako Gobernua

Cederna Garalur Elkartearen presidente Luis Garate Jimenezek sinatu zuen hitzarmena Landa Garapen eta Ingurumen kontseilari Begoña Sanzberrorekin.

Cederna Garalur Elkartearekin batera, Nafarroako gainerako tokiko ekintza-taldeek ere sinatu dute beren hitzarmena: Teder Elkarteak, EDER Partzuergoak eta Nafarroako Erdialdea Garapen Partzuergoak. (Info gehiago)

Publicado en Elkartea, Landa Garapena | Comentarios desactivados

Cederna Garalur Elkarteak UrdimbrED Sarearen presidenteordetza hartu du

Publicado el 12 noviembre, 2010 por cederna

UrdimbrED Elkartean landa-eremua lantzen duten nazio-mailako hainbat Europe Direct-ek egiten dute lan. Cederna Garalur aipatu sareko kidea da. Egindako azken bileran, Cederna Garalur Elkarteari egokitu zaio UrdimbrEDen presidenteordetza.
 (Info Gehiago)

Publicado en Europe Direct | Comentarios desactivados

Donezteben Bidasoa eta Baztan eskualdeetan “Mendekotasuna duten pertsonei zuzendutako arreta-zerbitzuak” izeneko III. Enplegu Tailerra inauguratu da

Publicado el 29 octubre, 2010 por cederna

Hitzordua Doneztebeko liburutegian, Urriaren 29an, goizeko 11:00etan, izan zen, eta bertara deituak zeuden tailerrean parte hartu duten pertsonak: 14 emakume eta gizon 1; Luis Garate Jimenez (Cederna Garalur Elkartearen presidentea), Miguel San Miguel (Doneztebeko alkatea), Jose Luis Ruiz Ciruelos (Nafarroako Enplegu Zerbitzuaren zuzendari-gerentea), eta Edurne Garro (tailerraren zuzendaria). (Info Gehiago)

Publicado en Elkartea, Lankidetza | Comentarios desactivados